Denonco një shkelje mjedisore!
Ndihmo në mbrojtjen e mjedisit duke raportuar ndotje, prerje të paligjshme, apo çdo shkelje tjetër që dëmton natyrën tonë.
LEXO MË SHUMË
Lajme Mjedisore
Ndotja IndustrialeKrujë: Prishen struktura informale për shuarjen e gëlqeres që ndotnin ajrin dhe tokën
Inspektorati Kombëtar i Mbrojtjes së Territorit (IKMT) ka vijuar ndërhyrjet në zonën e Krujës, ku janë prishur pesë struktura të tjera informale të përdorura për shuarjen e gëlqeres. Sipas autoriteteve, këto struktura përdoreshin për procese ku digjeshin goma të përdorura, plastikë dhe mbetje vajrash, duke shkaktuar emetime të dëmshme në ajër dhe duke ndotur tokën dhe ujërat përreth. Aktiviteti konsiderohej një rrezik për mjedisin dhe shëndetin e komunitetit lokal për shkak të çlirimit të tymrave dhe substancave të rrezikshme. Ndërhyrja e IKMT-së, e realizuar me mbështetjen e Policisë së Shtetit, synon eliminimin e aktiviteteve informale që ndikojnë negativisht në mjedis dhe rikthimin e kontrollit ligjor mbi territorin. Burimi: IKMT
Cilësia e UjëraveRaportim nga qytetarët: Ndotje në zonën e Plazhit të Vjetër në Vlorë
Në redaksinë e Gjurmon.al ka mbërritur një foto që tregon se, në Plazhin e Vjetër, ujërat e zeza derdhen drejtpërdrejt në det, në sytë e të gjithë pushuesve. Siç shihet edhe nga pamjet, duket qartë një tub shkarkimi, nga i cili derdhen ujëra të zeza pranë vijës bregdetare, vetëm pak metra larg zonës së frekuentuar nga pushuesit. Situata ngre shqetësime serioze për ndotjen e mjedisit dhe rrezikun që paraqet për shëndetin publik. Ky fenomen nuk është i izoluar vetëm në Plazhin e Vjetër, pasi Gjurmon.al ka dokumentuar edhe raste të tjera të derdhjes së ujërave të zeza në det në zonën e Lungomares. Pavarësisht denoncimeve të përsëritura dhe ankesave të banorëve, situata vijon të mbetet e pazgjidhur. Në kulmin e sezonit turistik, pamje të tilla dëmtojnë jo vetëm ekosistemin detar, por edhe imazhin e Vlorës si një nga destinacionet kryesore turistike të vendit. Qytetarët dhe pushuesit kërkojnë ndërhyrje të menjëhershme nga institucionet përgjegjëse për të ndalur derdhjen e ujërave të ndotura në det. Sipas tyre, kjo situatë përsëritet çdo vit dhe ata shprehen se kanë frikë nga përhapja e sëmundjeve për shkak të derdhjes së ujërave të zeza shumë pranë vendeve ku lahen në det. Burimi: Gjurmon
Krimi mjedisorShkarkonte mbetje në lumin Vjosa, procedohet penalisht për ndotje të ujërave
Në kuadër të masave për parandalimin dhe goditjen e veprimtarive që dëmtojnë mjedisin dhe cenojnë ekosistemet natyrore, strukturat e Policisë së Shtetit, në bashkëpunim me Autoritetin Kombëtar të Ushqimit (AKU) Gjirokastër, evidentuan një rast të ndotjes së ujërave të lumit Vjosa, si pasojë e ushtrimit të një aktiviteti të paligjshëm. Nga kontrollet e kryera në fshatin Qilarisht, Përmet, u konstatua se një ambient banese ishte përshtatur si thertore jashtë standardeve higjieno-sanitare dhe se mbetjet e krijuara nga procesi i therjes shkarkoheshin përmes një tubacioni direkt në lumin Vjosa. Shkarkimi i mbetjeve organike në ujërat e lumit përbën një rrezik të drejtpërdrejtë për ndotjen e burimeve ujore, dëmtimin e biodiversitetit dhe prishjen e ekuilibrit të një prej pasurive më të rëndësishme natyrore të zonës së Përmetit. Gjatë kontrollit në ambient u konstatuan kafshë në proces therjeje, produkte dhe mbetje të aktivitetit, si dhe elemente të dyshuara të parregullta lidhur me identifikimin e bagëtive. AKU ndërhyri menjëherë duke bllokuar ambientin ku zhvillohej veprimtaria e paligjshme, ndërsa ndaj pronarit u vendos masë administrative në vlerën 200 000 lekë të rinj. Në përfundim të veprimeve hetimore, u arrestua në flagrancë shtetasi A. L., 62 vjeç, banues në fshatin Qilarisht, Përmet, për veprat penale që lidhen me ndotjen e ujërave, prodhimin e kundërligjshëm të produkteve ushqimore, falsifikimin e dokumenteve dhe fshehjen e të ardhurave. Gjithashtu, u proceduan penalisht dy veterinerë, L. D., 54 vjeç, dhe Y. H., 66 vjeç, për shpërdorim detyre, pasi dyshohet se nuk kanë kryer kontrollet dhe masat e kërkuara ligjore për aktivitetin e ushtruar. Burimi: Policia e Shtetit
Evente
28/06/2026
20:15 - 20:45
Top Channel (Exclusive)
25/11/202512:00 - 13:00Europe House
12/11/202515:00 - 17:00REC Shqipëri
Raporte
Environmental ReportsThe Role of the Judiciary in Environmental Justice in Albania
The Role of the Judiciary in Environmental Justice in Albania
Environmental ReportsThe Role of Prosecution in Environmental Justice in Albania
The Role of Prosecution in Environmental Justice in Albania
Environmental ReportsThe Role of Media in Environmental Justice in Albania
The Role of Media in Environmental Justice in Albania
Merr lajmet tona më të fundit në email
Kontakt
Telefon:
Faqe të tjera
Disclaimer: Kjo platformë u krijua dhe mirëmbahet me mbështetjen financiare të Bashkimit Evropian në kuadër të projektit "EJA: Environmental Justice in Albania". Përmbajtja e tij është përgjegjësi e vetme e REC Shqipëri dhe nuk pasqyron domosdoshmërisht pikëpamjet e Bashkimit Evropian.
Copyright © REC Albania | Designed and Developed by SCM